Hopp til innhold

Spellemann-bálkkašupmi ii šat NRKs

Odne almmuhii NRK ahte dás duohko ii oidno Spellemann-bálkkašupmi šat tv-sáddagis, nu go lea dahkan 50 jagi.

Dál leat Nettavisen ja Amedia-kanalat mat galget dan rávdnjet, ja dat de oidno cuoŋománu 4. beaivvi.

Máŋga sápmelačča leat vuoitán bálkkašumi dán Norgga deháleamos musihkkamáilmmi bálkkašumis, nu go Mari Boine, Niko Valkeapää, Transjoik, Marja Mortensson, Inga Juuso, Gabba, Peder Niilas Tårnesvik ja Biret Ristin Sara.

Dás sáhtát dárogillii lohkat ášši.

Marja Mortensson, Spellemannpris 2021
Foto: Paal Audestad / Paal Audestad

Korte nyheter

  • Varmebølge treffer Troms og Finnmark

    Temperaturene i Sør-Europa dankes ut av byer i Nord-Norge de neste dagene. Først treffer varmen Nordland onsdag, før den trekker lenger nord til Troms og Finnmark torsdag. Men varmen blir kortvarig, for til helga snur det.

  • Čavgejit gearggusvuođagáibádusaid Norggas

    Les på norsk.

    Heahtedilis berrejit dál olbmot ieža sáhttit birget ovtta olles vahku. Eiseválddiid ráva lea eanetgo duppal geardde guhkit go ovdal lea ávžžuhan, dieđiha NTB.

    Ráđđehus čavge gearggusvuođagáibádusaid earret eará borramuša, čázi, rádio ja vuosttašveahkkeneavvuid hárrái.

    Justiisa- ja gearggusvuođaministtar, Emilie Enger Mehl rávve maid ahte galggašii konto máŋgga iešguđetge báŋkkuin.

    – Sáhttá dáhpáhuvvat nu ahte okta báŋku fáhtehallá cyberfalleheapmái, nu ahte ii beasa ruđaid viežžat. Dalle sáhttá leat buorre jus leat ruđaid eará báŋkkuin. Seamma ákkaid geažil lea maid jierpmálaš ahte leat reaidaruđat, dadjá Mehl.

    Justis- og beredskapsminister. Emilie Enger Mehl.
    Foto: Eirik Hind Sveen / NRK
  • Einar Niemi oažžu St. Olava gudnemearka

    Les på norsk.

    Professor emeritus Einar Alfred Niemi, Čáhcesullos eret, lea nammaduvvon Riddárin 1. luohkkái Gonagaslaš Norgga St. Olava gudnemearkkas.

    – Dat lea stuorra gudni ja mun lean hui movttet, dadjá Niemi kvenaaviisii Ruijan Kaiku.

    Niemi lea 1989 rájes doaibman Norgga árktalaš universitehta historjáprofessorin. Son oažžu bálkkašumi iežas áŋgiruššama sámi ja kvena kultuvrra ovddas.

    Son lei miellahttu Duohtavuođa- ja seanadankommišuvnnas.

    Geigejupmi dáhpáhuvvá UiT Campusis Romssas geassemánu 5. beaivve.

    Professor Einar Niemi
    Foto: NRK