Son lea silba ja čoarvedáiddár

Vuolahasaiguin son álggii duddjot, dál leat su duojit silbbas ja čoarvvis.

Duojár Petteri Laiti
Foto: Anne Olli / NRK

Ášši doaimmaha Ánne Olli

Su bargoávnnas dál lea silba ja čoarvi

Petteri Laiti

Petteri Laiti bargolanjas

Foto: Anne Olli

Silbačeahppi gii dál ráhkada olu čiŋaid čoarvvis ja silbbas álggii álggos vuolahasiguin duddjot. Mannán ráhkadii son juo vuodjaskáhppuid ja vuvdiid daid, nie tiinnii álcces ođđa skuvllabiktasiid. Su duoji dovdomearkkat dáidet leat čiŋat main lea čoarvi ja silba ovttastahtton.

Silba- ja čoarveduojáris lea bargobáiki Anáris Davvi Suomas. Doppe son duddjo, ja dál lea bártnis oahpaheamen seamma doibmii maid son ieš bargá, nammalassii silba- ja čoarvedáiddárin.


Vuolahasat ledje su álgo duodje-ávdnasat

Vuolahasiguin álggii Petteri Laiti juo mánnán duddjot, muhto das rájes lea son ovdánan, ja geavaha dál olu eará ávdnasiid maid. Son manai gollerávdeoahppui, ja das maŋŋil álggii son vel čoarvvi seaguhit silbii.
Gollečeahpeskuvllas son fuomášii mo vuohkkasit sáhttá čoarvvi geavahit silbii. Das rájes leat su gieđaid gaskas riegádan olu čiŋat main silba ja čoarvi lea ovttasstahtton.

Petteri Laiti silbaduojit

Petteri Laiti silbaduojit

Foto: Anne Olli / NRK
Petteri Laiti duojit

Petteri Laiti duojit

Foto: Anne Olli / NRK
Petteri Laiti silbaduojit

Petteri Laiti silbaduojit

Foto: Anne Olli / NRK