SMS dieđut čohkkejuvvon čájáhussii

Boahtte bearjadaga, suoidnemánu 22.beaivvi lea vihta jagi áigi go 77 nuora goddojedje AUF nuoraidleairras Utøyas ja 8 ráđđehuskantuvrraid guovllus Oslos terrorfalleheami dihte. Nuorat geat ledje Utøyas sáddejedje SMS dieđuid iežaset lagamusaide, ja dát dieđut galget dál čájehuvvot ođđa "Hegnhuset" nammasaš visttis Utøyas. Dát vistti galgá leat historjjálaš oahppoguovddáš 2011 suoidnemánu 22.beaivvi terrorfalleheami birra, ja galgá gárvvistuvvot čájeheapmái viđa jagi muitobeaivái.