NRK Meny

Skuvlakonflikta roahkkasan

Divttasvuona skuvlafálaldat konflikta lea dál roahkkasan. Suohkan sirdá Stuorragietti bajásšaddanguovddáža nuoraidskuvla ohppiid Ájluktii go váilot oahpaheaddjit, muhto vihtta oahppi geain šaddá guhkes mátkkoštanáigi, leat streiken olles vahku. Váhnemat dadjet ahte sii leat gávdnan oahpaheaddji, muhto suohkan ii áiggo virgádit su, danne go eará oahpaheddjiide orro ahte su bálka lea beare allat, muitala sátnejođiheaddji Tor Asgeir Johansen.