Skuvla ožžon bombaáitaga
Okta skuvla Narviikkas Nordlánddas lea ožžon bombaáitaga. Áitagis daddjo ahte skuvlii lea biddjon bomba mii bávkkeha bearjadaga dii 12. Narviikka gielda ja buot skuvllat gávpogis leat ožžon dieđu dán birra, muitalit gaska Hålogalándda politiijaguovllus. Áitta lea almmuhuvvon mobilappa Jodel bokte, ja politiijat dutket dál ášši. Ii leat vuos mearriduvvon giddejit go skuvlla dán dihte.