Skielleha duopmu guoddaluvvo
Goddinášši Skiellehis Ruoŧas, mas finnmákolaš lei áššáskuhtton 20-jahkásaš ruoŧŧelaš albmá goddimis, guoddaluvvo dattetge. Ruoŧŧelačča oapmahaččat dat leat guoddalan duomu, dieđiha SVT. Skielleha diggegođđi celkkii ovdal juovllaid ahte finnmárkolaš ii leat mielaeavttus goddán ruoŧŧelačča. Narkotihka rievideami oktavuođas golggotmánus finnmárkolaš cuggii ruoŧŧelačča nu ahte son jámii. Norgalaš gii rieviduvvui oaivvildii ahte dát lei iešvárjaleapmi go son maid čukkohalai.