NRK Meny
Normal

Skáva

Skáva dahje skávvi lea muohtasátni. Skávan gohčoduvvo dat go muohta galbmosta bajil giđđadálvve maŋŋá go lea leamaš bivvalis dálki.

Ii guotte olbmo
Foto: Else Turi / NRK Sápmi

Buorre siivu

Go lea skáva, de lea hui buorre siivu, buorre jođádat. Reahka lea hui jođán, ja sabehat leat hui jođánat. Dalle ii guotte gal olbmo nu ahte ii leat guottádat, muhto dušše jođádat.

Ellon Áilu, Aslak Persen Bals čilge min dalá mielbargái Per Johannes Marainenii ná: Skáva

Dálkesorta dat mearrida

Cuoŋománu loahpageahčen beaivvadatbeaivvi de golmma njealji sulaid sáhttá skávvugoahtit suoivanbealde, jos lea goalki. Balvadálkin de ii skávo gal ovdalgo nulla grádas. Nu oidno Yngve Ryd Snø-girjjis, mas Johkamohki almmái Johan Rassa lea čilgen muohtasániid.