Sivahallá stáhtaid rihkkon lága

Suoma ja Norga leaba rihkkon dološ lága, Lappekodisilla, ja Ovttastuvvan Našuvnnaid álgoálbmotjulggaštusa mii geatnegahttá stáhtaid váldit vuhtii sámiid oainnuid. Nu čállá Deanočázádaga guolástanhálddahusa jođiheaddji Steinar Pedersen, Stuorradikki dárkkistan- ja vuođđudanlávdegoddái. Lávdegoddi lea guorahallamin Deanučázádaga luossabivdogáržžidemiid lobálašvuođa.