Sávvá buresboahtima festiválii

Majestehtalaš dronnet Sonja rahpá dán jagáš Riddu Riđđu-festivála suoidnemánu 13. beaivve Gáivuonas. Nu boahtá ovdan prográmmas maid festiválalágideaddjit odne almmuhedje. Riddu Riđđu áigo earret eará fuomášuhttit davviamerihkálaš Standing Rock-eamiálbmogiid dáistaleami, dan riidovuloš oljobohccihuksemuša, Dakota Access Pipeline, vuostá. Festivála bistá suoidnemánu 16. beaivve rádjai.