Sámi dáiddárat besset oidnosii

Gula sámi dáiddastipeandda čájáhusas

Juohke jagi lágidit sámistipeanda ohcciid čájáhusa gos ohccit fertejit searvat čájáhussi ovttain dáiddabargguin. Doppe oaidnit mii ain dáhpahuvva sámidáidda máilmmis, muitála Ánne Rávdna Gaup

 Stipeandajuohkin

Jáhkásaččat lágidit sámi dáiddariidda ja čállide sámistipeanda ohcciid čájáhusa. Dat čájáhus galga addit vuođu fagalávdegoddái árvvošdallat ohcciid ohcamušaid masa ohcet stipeanddaid. Sámediggi, Sámidaiddariid- ja girječállid buhtadanfoanda ja maiddai Govvadáiddariid veahkkefoanda juhket stipeanddaid dáiddariidda. Oktá dain lea "John Savio" stipeanda maid govvadáiddariid veahkkefoanda juohka. Dát lea muitto ja gudne stipeanda.

 

Sámi dáiddamáilbmi

Ánne Rávdna Gaup muitala ahte čájáhusas oaidna geat leat ohcan sámi dáiddarstipeanddaid. Dása servet sihke ođđa ja ovddeš dáiddarat. Čájáhusas oaidná maid movt dáiddárat rievdadit dáiddavugiideaset bargguineaset. Gaup muitala ollugiid geahččat geahččat čájáhusa vai oidnet mii ain dáhpahuvva sámidáidda máilmmis.

 

Dáiddolaš barggut

Dán čájáhusas oaidna earet eara iešguđetgelagan ja erenoamáš dáiddagiid nugo ivdnegováid, njuhtton govaid, guvssi, mánggalagan bácciid, ja viidnebohttala. Doppe oaidna maid filmma, stuolu, sistteveasku, čeabet čikŋa ja ollu eara maid.

Buorre sadji

Sis ii leat leamáš vattisvuohtan čahkkehit buot dáidagiid Sámi Dáiddaguovddážis, lohká Ánne Rávdna Gaup. Son muitala leat buori sadji dáidagidda, ja livččii vel sadji eanet dáiddaohcciide.

Čájáhus rahppui Sámi Dáiddaguovddážis Kárášjogas skábmamánus 1.beaivve. Čájáhus bistta skábmamánu 18.beaivai .