Dál dán vahkkoloahpa lágiduvvo poesifestivála Montegorskkas Ruoššas. Dán festiválas besset guldaleaddjit návddašit divttaid, luđiid ja musihka.
Vuosttaš heave go sámi diktačállit bovdejuvvojit
Karen Anne Buljo ii jáhke Norggas ovdal leat sámi diktačálliid bovdejuvvon dákkáraš doaluide Ruššii. Danne atná son leat oalle erenoamážin go justa sutno divttaide háliidit oahpásmuvvat doppe.
Ruoššabeali Sápmi lea sutnje amas guovlu
Karen Anne Buljo ii loga iežas ovdal lea fitnan Ruoššas, danne maid illuda vuolgit, go de beassá oaidnit mo doppe lea.
Soai Inga Rávná Eirain vuolgiba bearjadaga Ruššii, ja soai galgaba lávdái sotnabeaivvi borgemánu 28. beaivvi. Buljo lohká iežas leat oahpahallan veaháš dáid doaluide, erenoamážit lea hárjehallan luđiid maid son galgá juoiggastit vel dáin doaluin.