NRK Meny

Sámedikki 25-jagi ávvudeapmi

Sámedikki 25-jagi ávvudeapmi markerejuvvo ávvuseminárain Sámedikkis Kárášjogas boahtte vahkus, golggotmánu 9. beaivvi. Dalle almmuha Sámediggi maid girjjiid Sámediggi 25 jagi ja Sámediggi ja dáidda. Ávvudeamis doallá professor emeritus Carsten Smith rahpansáhkavuoru, ja dearvvuođaid buktá stuoradiggepresideanta Olemic Thommessen ja guolástusministtar Elisabeth Aspaker. Maiddái Suoma, Ruoŧa ja Guoládaga Sámedikkiid ovddasteaddjit buktet dearvvuođaid ávvudoaluin. Sámedikki vuosttaš presideanta Ole Henrik Magga logaldallá Sámedikki 25 jagi historjjá birra.