Sámediggi doarju bivdofanas oastimii
Sámediggi lea juolludan oktiibuot 750.000 ruvnno golmma vuosttaš geardde bivdofanas oastimii
Dat golmmas geat ožžot doarjagiid Berglund fisk Hánssagiettis Romssas ja Andreas Kleppe Johansen Keaisvágis Finnmárkkus ja Hebi Fisk AS Cuokcavuonas Finnmárkkus
– Lea buorre go sámediggeráđis lea vejolašvuohta doarjut guolásteami Sámis. Mun lean nu ilus go mii sáhttit láhčit buori álggahandili ođđa guolásteddjiide geat áŋgirit álget ealáhusain. Juohke ođđa guolásteaddji min riddoguovlluin lea resursan maid mii áinnas doarjut, dadjá sámediggepresideanta Silje Karine Muotka (NSR), preassadieđáhusas.