NRK Meny

Sáhttet ieža šaddat máksit goluid

Ođđa láhkarievdadus sáhttá dagahit ahte sii geat bidjet vuoigatvuođagáibádusaideaset Finnmárkku meahcceduopmostullui, sáhttet ieža šaddat máksit goluid jos vuoittáhallet. Justiisadepartemeanta lea Finnmárku-lága rievdadusaid sádden gulaskuddamii. Dát sáhttá rihkkut álbmotrievttálaš geatnegasvuođaid, lohká Norgga árktalaš universitehta juridihkalaš fakulteahta riektedieđalaš professor Øyvind Ravna. Gulaskuddan áigemearri lea guovvamánu 1. beaivi.