Ságastallet rivttiid birra

Boazodoalu riekteovdánahttin lea dehálaš ášši Norgga Boazosápmelaččaid riikkasearvvi riikkačoahkkima fágabeaivvis, mii ihttin lágiduvvo Kárášjogas. Nu muitala searvvi nubbinjođiheaddji Per John Anti. Son lohká ahte sii leat ollu jagiid gáibádan geahčadit ođđasit boazodoallolága. Riikkačoahkkin lágiduvvo dán vahkkoloahpa Kárášjogas.

Korte nyheter

  • Galgá leat časkan nuppi

    Okta Sis-Finnmárku dievdu lea áššáskuhtton go galgá leat nuppi olbmo časkán ovtta barttas mannan čavčča. Diggebáhpiriin boahtá ovdan ahte son oaččo 10 000 ruvdnosaš sáhku. Ášši gieđahallo Sis ja Nuorta Finnmárkku diggegottis skábmamánu 15.beaivvi Čáhcesullos.

  • Roavva veahkaválddálašvuohta

    Unnimusat golbma olbmo leat roasmmehuvvan Likšus, Davvi-Ruoŧas, go galgá dáhpáhuvvan roavva veahkaválddálašvuohta, nu gohčodit Ruoŧa politiijat dáhpáhusa. Ovtta olbmo leat váldán gitta. Ruoŧa TV4 dieđiha ahte vearredahkki galgá geavahan ákšu ja bargoreaiddu mainna gaiku omd seinniid. Sihke mánát ja ollesolbmot galget roasmmehuvvan. Politiijat eai áiggo kommenteret makkár veahkaválddálašvuohta galgá dáhpáhuvvan.