Gïelem nastedh lea gïele jih kultuvre goevtese Snåasesne. Dah daelie sïjhtieh saemide gaavnedidh jih govledh mij lea daerpies darjome, gåessie edtjieh gïelem jih kultuvrem nænnoestidh. Britt Sparrok ,Gïelem nastedh, tuhtjie vihkeles jih saemiej gujmie soptsestalledh.
– Dihte gaajh vihkeles mijjese. Dellie åadtjebe govledh maam saemieh daarpesjieh, mejtie naan kuvsjh, mejtie maam joekoen sijhtieh darjodh. Mij lea daerpies! Mijjieh edtjebe viehkine årrodh jih saemien gïelem jih kultuvrem åarjelsaemide nænnoestidh.
Åssalommes vihkeles.
Tjåanghkoe sjædta duarsta ruffien 12.b. Finnsåsen kuvsjejarngesne. Vihkeles saemieh båetieh jeahta Sparrok.
– Daan åvteste sijhtebe govledh guktie mijjien barkoe orreme jih govlebe guktie edtjebe båetien jaapan barkoem soejkesjidh. Gïelem nastedh gaskebiejjiem bøørie jih daan mænngan edtjebe ånnetji lustestalledh .