Hopp til innhold

Korte nyheter

  • Sámediggeáirras oahppá sámegiela vai beasašii oahpahit sámegiela

    Gilivuona sámediggeáirras Leif Pedersen (53, NSR) lea dán čavčča álgán sámegielohppui Sámi allaskuvllas Guovdageainnus.

    – Mun lean guhká háliidan oahppat sámegiela vai beasašin oahpahit sámegiela Gilivuona skuvllas, čilge Pedersen čielga sámegillii.

    Gilivuonas lea lassánan beroštupmi oahppat sámegiela. Pedersen áigu jo boahtte skuvllajagi oahpahišgoahtit sámegiela nubbingiellan.

    Son lea jo jagi ruovttus lohkan sámegiela vai sámegieloahppu Guovdageainnus manašii njuovžileappot.

  • ATV, UTV ja mopedabiilalihkuhisvuođat laskan

    Dán jagi leat geavvan ollu eanet ATV, UTV ja mopedabiilalihkuhisvuođat ovddit jagiid ektui. Dušše borgemánus gevve čieža lihkohisvuođat dákkár vuojániin. Dat lea seamma ollu go olles jagis 2020:is.

    Dábálaččat leat nuorat gaskal 15 ja 19 jagi ATV-lihkohisvuođain. Nu čájeha guorahallan maid Stavanger Universitehta lea dáhkan.

    Johtolatsihkkarastin nuoraide (Trafo) lea fálaldat nuorra vuddjiide, mii oččoda nuoraid smiehttat mo sii láhttejit johtolagas. Dán doaimma geavahit maiddái čuovvulit nuoraid geat leat rihkkon johtolatlága.

  • 420 kv-linnjá gárvána skábmamanus

    Statnett dieđuid mielde gárvána 420 kilováhttalinnjá Álttá ja Skáiddi gaskka skábmamanus. Dasa bidjet elrávnnji loahpageahčen dán jagi.

    Muhtin orohagat eai leat soahpan Statnett:an makkár buhtadus galggašii daid bistevaš hehttehusaid ovddas mat bohtet dáid fápmolinnjáin. Statnett jáhkká ášši gártat árvvoštallandiggái, mii lea sierraduopmostuollu mii meannuda áššiid plána- ja huksenlága vuođul.