Olu olgoriika turisttat johtet Lappis

Olgoriika turisttat leat mátkkoštan Lappis olu vel juovllaid maŋŋel ge. Finavia loguid mielde Lappis, nugo Roavvenjárgga, Gihttela, Avvila ja Guossáma girdišiljuid bokte girde jagi vuosttaš mánuid birrasiid 700 000 turistta, mii lea 18% eanet go diibmá.

Ráđđehus dahká rievdadusaid mánáidsuodjalusas

Mánáid- ja bearašministtar Kjersti Toppe ovdanbuvttii duorastaga mánáidsuodjalusa ođđa strategiijaplána.

Earret eará árvaluvvo gielddalaš ássandoaibmabijut institušuvnnaid alternatiivvain muhtun mánáide. Seammás eai galgga institušuvnnat ieža addit dearvvašvuođafágalaš divššu.

Ođastus fátmmasta danin maiddái dearvvašvuođasuorggi. Ođastus biddjo ovdán 2025 giđa.

Máksán 1,45 miljárdda ruvnnu náhkkeboanddaide

Stáhta lea dássážii máksán 1,45 miljárdda ruvnno náhkkeboanddaide geat bággehallet heaitit.

Stuoradiggi mearridii geassemánus 2019 heaittihit náhkkeealáhusa ovdal guovvamánu 1. b. 2025. Dalle árvvoštalai ráđđehus ahte ealáhusa heaittiheapmi máksá 505 miljovnna ruvnno.

Šibitdoallu lea ieš rehkenastán ahte heaittiheapmi boahtá máksit unnimusat 2,3 miljárdda ruvnno, nu čállá Nationen.