Hopp til innhold

Ráissa kvenanamma

Kvena giellaráđi báikenammabálvalus evttoha Raisi komuuni, Ráissa suohkan namman. Ráissa suohkanstivra mearridii guovvamánus galbet suohkannama golmma gillii, dáro, sáme- ja kvenagillii. Sámediggi lea ovdal evttohan Ráissa suohkan sámi suohkannamman.

Korte nyheter

  • Mátta-Várjjaga gielda ovttasbargagoahtá Sámedikkiin

    Ovttasbargosoahpamuš Mátta-Várjjaga gieldda ja Sámedikki gaskkas lea dál sáddejuvvon gulaskuddamiidda.

    Soahpamuša mihttun lea láhčit ovttasbargodili seailluhit ja ovdánahttit sámi giela ja kultuvrra gielddas.

    Soahpamuš nanne earret eará dan ahte Mátta-Várjjat lea oassin árbevirolaš sámi guovllus. Okta mihttomearri lea ásahit nuortalaš- ja davvisámegiel giellaguovddáža.

    Gulaskuddanáigemearri lea ođđajagimánu 27. beaivve 2023.

    Sameflagg
    Foto: Máret Biret Sárá Oskal / NRK
  • Vurdet golbma virusa leavvat Eurohpás

    Golbma iešguđetlágan virusa sáhttet dagahit olu buozalmasvuođa Eurohpás dán dálvvi.

    Nu dieđiha Máilmmi dearvvašvuođaorganisašuvdna.

    Ovttas koronapandemiijain, de lea maiddái dán jagi álgán influeansaáigodat árat go maid ledje vuordán. Maiddái RS-virus leavvagoahtá dál, mii eanaš njoammu mánáide.

    Máilmmi dearvvašvuođaorganisašuvdna deattuha ahte lea hirbmat dehálaš ahte riskajoavkkut boahkuhit iežaset sihke influeansa ja korona vuostá.