Áillohačča dáidda čájehuvvo
Álttá dáiddáriidsearvi rahpá njukčamánu 23 b. čájáhus, mas čájehit Áillohačča (Nils Aslak Valkeapää) dáidaga. Čájáhusas čájehit osiid guovtti čoakkáldagas maid Áillohaš skeŋkii Guovdageainnu ja Omasvuona suohkaniidda, muhtin tevnnegiid ja birrasiid 25 málagova.
Čájáhusa kuráhtor Hilde Skancke Pedersen muitala ahte son lea ilus go Álttá dáiddáriidsearvvis lea beroštupmi čájehit Áillohačča dáidagiid.
– Lea hui dehálaš ahte su dáidda čájehuvvo ođđa buolvvaide, maiddái Finnmárkkus.
Čájáhus lea rabas njukčamánu 23. beaivvis gitta cuoŋománo 15 beaivái. Rahpanbeaivvi doallá maiddai sámi kultuvrra ja girjjálašvuođa professor Harald Gaski logaldallama Áillohačča eallima ja dáidaga birra.