Rádjeássiidšiehtadus viiddiduvvo

Norgga ja ruošša rádjeássiidšiehtadus viiddiduvvo njukčamánu rájes, dan dieđiha Olgoriikadepartemeanta. Buot ássit Njávdámis, Mátta-Várjjagis, sáhttet dál ohcat rádjeássiidduođaštusa, seammás go ruošša stáhtaborgárat sáhttet mátkkoštit Norgga beale viiddiduvvon guovllus. Rádjeássiidduođaštus lea buorre ovdamearka dan praktihkalaš ovttasbarggus mii lea Ruoššain, ja mii doaibmá bures Davvin, dadjá Olgoriikaministtar Børge Brende.