NRK Meny
Normal

Poasttagirdi massi girdinlobi

Kato Air lea massán girdinlobi ja nu maŋŋona poastta earret eará Oarje-Finnmárkui.

Kato Air på Røst
Foto: Anne Mette Berget / NRK

Fitnodat lea geasehan A-poastta ja Ekspressapáhkaid Álttá ja Romssa gaska.

Guhkkit vuordit poastta

– Olbmot Oarje-Finnmárkkus šaddet vuordit guokte beaivve dan poastta mii Álttá bokte manná, go dilli lea nu mo lea šaddan. Nu muitala poastta davviguovllu diehtujuohkkinhoavda Pål Jakobsen.

Eará ruvttugirdiiguin ja guorbmebiilaiguin geahččalit A-poastta dál sáddet, muhto dat ii čoavdde buot váttisvuođaid, čilge Pål Jakobsen.

– Sii čuvvot ja gulahallet dál Kato Air fitnodagan, ovdalgo dihtet mo poasttan de šaddá, čilge Jakobsen.