Plaassje sámi giellahálddašangielda
Sámediggepresideanta Aili Keskitalo oassálastá Plaassje gieldda doaluide, mat čalmmustahttet ahte dát gielda suoidnemánu 1. beaivvi rájes šattai oassin sámi giellahálddašanguvlui. Presideanttas leat čoahkkimat sátnejođiheddjiin ja son deaivvada maiddái Plaassje skuvlla sámi ohppiiguin, fitná lullisámi mánáidgárdeossodagas Svaale, SÁNAGas, Aajeges, Rørosmuseas ja son álggaha rabas čoahkkima, mii lágiduvvo gieldda ássiid várás.