– Sámi Grand Prix lágiduvvo, muhto doalut eai šatta Báktehárjjis. Luođit ja lávlagat leat báddejuvvon ja rávdnjejuvvojit neahta bokte, muitala buvttadeaddji Ol Johan Gaup NRKii.
LÁGIDA SGP: Buvttadeaddji Ol Johan Gaup lea okta dain gii bargá Guovdageainnu beassášriemuiguin.
Foto: Pressebilde / Påskefestivalen i KautokeinoOassálastit leat sii geat diibmá livčče galgat mielde.
– Mii fertet ná dahkat vai čuovvut njuolggadusaid mat gusket koronaeastadeapmái, čilge Gaup Guovdageainnu lagasradioi (GLR).
NRK mielde lágideame SGP
Dán jagi lea maid NRKa mielde lágideami doaluid.
Sámi Grand Prix sáddejuvvo NRK2:s NRK TV:s ja NRK Sámi Rádios, beassášlávvardaga, cuoŋománu 3. beaivvi, tii. 18.00.
Geahččit ja guldaleaddjit sáhttet maiddái jienastit iežaset jiellahiid.
NRK Sámi prográmmaredaktevrras Carl-Gøran Larssonis leat alla vuordámušat lágideapmái.
ALLA VUORDÁMUŠAT: NRK Sámi prográmmaredaktevra Carl-Gøran Larsson dadjá ahte SGP lágideaddjit leat áŋgiris olbmot geat ohcet aivve ođđa čovdosiid.
Foto: Ođđasat / NRK– Sátta šaddá Beassášlávvardaga min digitála lávddiin, nu go NRK TV neahttaspilláris, dieđusge NRK Sámi neahttasiiddus ja háliidat maid ahte gullo rádios.
– Diibmá ii lágiduvvon SGP koronadilálašvuođa dihte, ja go dán jagi ii leat ge vejolaš čađahit doaluid fysalaš gehččiin de lea erenomáš dehálaš ahte addit dán fálaldaga sámi álbmogii.
Dá leat juoiganoasi oasseváldit
- Deaddil govvii ja geahča govvaráiddu
Diimmá vuoiti, Kárášjohkalaš Kim Hallgeir Berg searvá dán jagi maid. Son juoiga «Anna Mathilde».
Foto: PressebildeDomna Khomjuk, Lujávri, juoigá «Parrša vigket»
Jørgen Stenberg, Málát (Malå), juoigá «Mathias Larsson».
Guovdageaidnulaš Elen Ravna A. Triumf juoigá «Maikela Lena».
Johan Anders Oskal, Bearddus eret, juoigá «Vilba, Per Thomas».
Máhtte Ánte Johansen Sara, Guovdageainnus eret juoigá «Karen Marianne».
Čeavetjávrilaš Hanna-Maaria Kiprianof juoigá «Paččjooǥǥ ääkkaž»
Nils Lars Nilsen Eira, Kárášjogas eret, juoigá «Jon Andreas Rognerud Eira».
Guovdageaidnulaš Nils Pedar Gaup juoigá «Sara Risten Susanna Gaup».
Nils Johan Gaup, Guovdageainnus eret, searvá Sámi Grand Prix:ii luđiin «Niillas Elle Sara».
Nils Lars Eira lea okta oassálastin dán jagi, ja lea maid hárjánan juoigi gii lea máŋgii oassalastan Sámi Grand Prixas.
Dán jagi šaddá gilvu earálágan go muđui.
– Dat masa lei ráhkkanan lei ahte šaddá njuolggorávdnjen, ollu olmmoš, hirbmat somá ja márkan, dál šaddá measta dego beare fitnat juoigamin studios ja de gearggat eret, dadjá Eira.
Oassalastit báddejuvvojit ovdagihtii ja dan oktavuođas lea Eiras okta sávaldat.
– Jus mii nu teknihkalaš boasttuvuođaid geavvá báddedettiin, de gal galggašii beassat ođđasit báddet vai oassálastiid kvalitehta lea ovtta dásis, dadjá Eira.
- Loga:
Dá leat lávlunoasi oasseváldit
- Geahča govvaráiddu
Ailu Valle & Ingá Márjá Sarre searvaba lávlagiin «Beassášlihkku.»
Foto: PressebildeBernt Mikkel Haglund searvá lávlagiin «Stoagadit dolain».
Eira joavku, Marit Elisabeth Eira ja Anne Inger E Lilleng, searvá lávlagiin «Máilmmi nieida.»
Ingá Máiiá Blind searvá lávlagiin «Fárrui».
Roman Jakovlev ja Jarsem Galkin searvaba lávlagiin «Aurora».
Foto: Jevgenij Kirillov / FrilansLávre & Hildá searvaba lávlagiin «Jođi lea buoret go oru.»
Unna festiválaš
Dán jagi lea 50 jagi áigi go vuosttaš beassášriemut lágiduvvojedje Guovdageainnus.
Jurdda lei lágidit stuorra doaluid ja dán láhkái čalmmustahttit ávvudeami.
Nu almmatge ii šatta.
– Mii áigut ávvudit, muhto eat nu stuorrát go álggus jurddašuvvon, čilge Gaup GLR:ii.
Buvttadeaddji čilge, ahte buot beassášdoaluin lea koronaeastadeapmi guovddážis.
– Eanaš doalut leat olgun go dalle čáhket eambbo olbmot. Siste maid smávit doalut, muhto dáin doaluin leat garra ráddjemat gallis dohko besset, muitala Gaup.
- Loga maid:
