NRK Meny
Normal

Ovdal badjelgehčče sámegiellagiid, dál ges dárogiellagiid

Mánáidáittardeaddji lea dal galledeamen Finnmárkku, ja muitala mánáide ja nuoraide makkár vuoigatvuođat sis leat skuvllas, ruovttus, gielddas ja fylkkas.

Anne Lindboe

Mánáidáittardeaddji Anne Lindbo

Foto: Beate Riiser / NRK

Norga lei dat vuosttas riika máilmmis gii virgádii mánáid áittardeaddji. Buot máilmmi riikkain earret USAas lea olmmoš dan lágan bargui virgáduvvon. Norggas lea Anne Lindboe dan virggis, ja dal son lea deaivvadan Kárášjoga Mánáid ja Nuoraid skuvllaohppiin.

Nuorat muitaledje roahkkadit vásáhusaideaset mánáidáittardeaddjái

Nuorrat muitaledje manaidaittardeaddjái mii sin mielas lea sihke buorre ja heitot, leaš dal lean skuvllas, ruovttus, dahje muđuid gielddas.

Ovccát loahkká nieidda guovttos, Aina Madelen Aslaksen Gaup ja Karina Heim leigga duđavačča go beasaiga háleštit mánáidáittardeaddjin.

Nuoraidskuvlla oahppi, Karina Heim dovdá iežas olgguštuvvon muhtun oahpaheaddjin danne go son ii hála sámegiela. Su mielas orro dego dal leat mávssaheamen dan maid sii ieža leat vásihan dáruiduhttima áigge.