Ovccis dušše sin bearrašis Nepalas

Suk Majja Rai muitala ovcci olbmo su bearrašis duššan dán garra eanadoarggástusas. Su nieida Sahara Rai muitala eatnis hui lassadit váldán dán, ja vuolggášii vaikke dálán Nepalii oidnit ja rohkadallat sorbmanan bearrašis ovddas. Muhto ii dokko leat beare beassat go girdit gal dál dušše veahkkebargiid dolvot dokko.

Áhkku ja áddjá beassan dearvan eanadoarggástusas

Sahara Rai muitala eatnis ringen iežas vánhemiidda geat orruba Nepalas, sutnos manná bures ja leaba birgehan heakkaska. Soai dat muitaleigga ahte olles ovccis sin bearrašis leat duššan eanadoarggástusas, dát bearaš orui lagabus Katmandu go sii.

Veahkkebargit ohcet moallanan dáluin olbmuid

Veahkkebarit ohcet moallanan dáluin leat go doppe šat olbmot eallimin, ja váldet maid sorbmanan olbmuid eret dáluid vuolde. Dán rádjai leat váile 5000 olbmo gávdnan sorbmanan eanadoarggástusas Katmandu guovllus Nepalas. Ja sullii 8000 olbmo leat ges roasmmahuvvan eanadoarggástusas, mii muhtidii 7.8 rihtermihttus. Iige das galle, dađistaga bohtet ain smávit doarggastusat, danne eai duosta olbmot mannat dáluide, ijaid fertejit olgun oađđit.

Sii hálidivčče veahkehit ruovtturiikka olbmuid

Sahara Rai gii lea Suk Majja Rai nieida, muitala ahte Nepalalaččat Finnmarkkus, sii hálidivvče čohkket ruđaid ja sáddet gillájeaddjiide Nepalas, dannego sis han dál ii leat ii miige. Sii áiggošedje veahkehit Nepala olbmuid, čohkket ruđaid ja biktasiid, dannego sii gillájit, ii sis leat šat leat šat ii miige, eai biktasat iige ruoktu.