NRK Meny
Normal

Kealláris vizzon čalmmiide biepmun

Dál lea vejolaš biebmat čalmmiid Sámiid vuorkádávviriin Kárášjogas. Dál áinnat čájehit oasáža kealláris rájaduvvon dáidagiid vuorkádávvira čájáhuslanjain.

Geahčadeamen dáidagiid
Foto: Anne Olli

RiddoDuottar musea Sámi Vuorkádávviriin lea dál rahppon dáiddačájáhus. Čájáhussii leat viežžan keallir-vuorkkás dáidagiid maid Sámedikki sisaoasttinortnegiin leat oasttán dáidda-vuorkái.

Hilde Skancke Pedersen

Hilde Skancke Pedersen dáidda

Foto: Anne Olli
Gunhild Tjikkom dáidda

Gunhild Tjikkom dáidda

Foto: Anne Olli

Dáidagat galget áiggimielde ođđa dáiddamuseái

Dát dáidagat galget áiggimielde dáidda-museái maid máŋgalot jagi juo leat viggan ásahit.

Ragnhild Lydia Nystad

Ragnhild Nystad

Foto: Eilif Aslaksen / NRK

Čájáhusa namma lea "Sápmi giđđaluvvá". Muđui lea dán čájáhusas ruona ja oranša ivnnit mat muitalit doaivagis ja morrašis. RiddoDuottar Musea stivrra-lahttu Ragnhild Nystad muitala ivnnit čálmmustahttet doaivaga ja morraša.

Oranše ivdni čalmmustahttá morraša maid Sámiid Vuorkádávvira/ SVD bargit leat vásihan maŋimuš jagiid dávvirvuorkká stivrema oktavuođas. Seammás guoská dát moraš maid dasa mo dáiddamusea plánat leat gomihuvvon Sámiid vuorkádávvira eaiggátstivrra giežil.

Dattetge lea sihke vuorkádávvira bargiin ja dáiddáriin doaivva dasa, ahte dáiddamusea dattetge oktii ceaggana Kárášjohkii. Danne čalmmustahttet bargit ja earát ruona ivnni dán čájáhusa oktavuođas. (Jearahallan vuolábeal govaid)

Gunhild Tjikkom dáidda

Gunhild Tjikkom dáidda

Foto: Anne Olli
Gerd Lorås dáidda

Gerd Lorås dáidda

Foto: Anne Olli