Ohcet Álttá nissona
Politiijat eai leat ožžon makkárge konkrehta dieđuid gosa 45 jahkásaš Álttá nisu Ellen Anne Sara lea šaddan, ja dutket ášši viidat, muitala Álttá leansmánni Øyvind Lorentzen.
Sara lea maŋemus oidnon ruovttustis geassemánu 4. beaivve ja su bearaš dieđihii su jávkán geassemánu 10. beaivve. Politijat leat iskame elektruvnnalaš luottaid, earret eará leago su báŋkukontos geavahuvvon ruhta dan maŋemus áigge. Dása várra ožžot vástadusa odne.
Lorentzen ávžžuha olbmuid váldit oktavuođa jus leat makkárge dieđut áššis, ja lohká ahte buot dieđut leat dehálaččat ja dan dihte eai ábut olbmot ballat váldimis oktavuođa.