Odne doaibmágoahta dollagielddus

Sáhttá leat váttis ipmirdit ođđa dollagielddusnjuolggadusaid, nu čállá Vesterålen online -áviisa. Odne doaibmagoahtá dollagielddus ja njuolggadusat gusket dál buot meahcceguovlluide. Muhto seammás diktá dat ođđa láhkaásahus olbmuid cahkkehit dola, jus dolla ii dagat buollinvára. Norsk friluftsliv rávve olbmuid iskat makkár suohkaniid njuolggadusat leat, ja ipmirdit gosa heive dahkat dola. Dollagielddus bistá gitta čakčamánu 15 beaivái.