Hopp til innhold

Oaivvilda KEiiNO doarju Israela

Musihkkár Marthe Valle moaitá go KEiiNO, mii ovddasta Norgga Eurovišuvnna lávlungilvvuin, oassálastá Israela nationálabeaivvi ávvudemiide. Son oaivvilda ahte joavku dáinnalágiin doarju riikka, mii rihkku olmmošvuoigatvuođaid. E-poastta bokte dieđiha KEiiNO ahte sis ii lean gal áigumuš ávvudit Israela nationálabeaivvi, muhto háliidedje čájehit olmmošvuođa go leat guossin riikkas.

Korte nyheter

  • Gearggus vuolláičállit ovttasbargošiehtadusa

    Sámediggi lea čađahan gulahallanproseassa sámi valáštallan birrasiin máŋggaid jagiid badjel, ja lea dál gearggus vuolláičállit ovttasbargošiehtadusa Sámi Valáštallan Lihtuin. Dáinna ođđa valáštallan šiehtadusain lea Sámediggi gearggus searvat bargui loktet sámi valáštallama politihkalaš dásis, dieđiha Sámediggi preassadieđáhusas.

  • Meannuda ođasmahttojuvvon oahpponeavvoráhkadeami doaibmaplána

    Norgga stáda bealis lea unnon ruhtajuolludeapmi sámi oahpponeavvuid váste, mii dagaha ahte Sámediggi šaddá rievdadit vuoruheami sámi oahpponeavvuid ektui. Sámedikki dievasčoahkkin meannuda dán vahku ođasmahttojuvvon oahpponeavvoráhkadeami doaibmaplána 2020-2024, mii galgá sihkkarastit ahte sámi oahpponeavvuid ráhkadeamis lea buorre kvalitehta. – Lea dárbbašlaš buoridit buot lađđasiid oahpponeavvoráhkadeamis, dadjá sámediggeráđđi Mikkel Eskil Mikkelsen (NSR), čállá Sámediggi preassadieđáhusas.

    Sametingsråd Mikkel Eskil Mikkelsen (NSR).
    Foto: Vaino Rensberg / Sametinget
  • Mátta-Várjjaga gielda ovttasbargagoahtá Sámedikkiin

    Ovttasbargosoahpamuš Mátta-Várjjaga gieldda ja Sámedikki gaskkas lea dál sáddejuvvon gulaskuddamiidda.

    Soahpamuša mihttun lea láhčit ovttasbargodili seailluhit ja ovdánahttit sámi giela ja kultuvrra gielddas.

    Soahpamuš nanne earret eará dan ahte Mátta-Várjjat lea oassin árbevirolaš sámi guovllus. Okta mihttomearri lea ásahit nuortalaš- ja davvisámegiel giellaguovddáža.

    Gulaskuddanáigemearri lea ođđajagimánu 27. beaivve 2023.

    Sameflagg
    Foto: Máret Biret Sárá Oskal / NRK