Oaivevuorri dáidá leavvamin

Šibitdoavttirinstituhtta lea Borramušbearráigehččui dieđihan ahte oaivevuorredávdda (CWD) soaitá leat gávdnon ruksesgotti ráppis, Møre ja Romsdal-fylkkas. Jos nuppi iskosis čájehuvvo seamma boađus, de mearkkaša ahte oaivevuorri lea leavvagoahtán Nordfjella-guovllus gos dávda gávdnu gottiin. Oaivevuorri lea stuorra uhkádus bohccuide, ja earret eará danin áiggošedje eiseválddit eastadit dávdda leavvamis.