Son lea 40 jagi ássán Gárgos Álttávuonas. Ja bures ollesolmmožin de bivde su oahpaheaddjin golmma mánnái, geaidda son galggai oahpahit sámegiela. Nu gárttai son bargat váile 12 jagi Fielvuona skuvllas, mii lea nuppebeal vuona, su báikki, Gárgo bokte.
Barggai oahpaheaddjin nuppebeal vuona
Su báikkis Gárgos, eai ása šat eanet go 24 olbmo, eai Fielvuonasge ása dađi eanet. Dalle go oahpaheaddjin barggai Fielvuona/ Korsfjord skuvllas, de fertii son nuppebeallái vuona. Dokko jođii son fearggain. Oahpaheaddji doaimmas šattai son juohke beaivvi rastildit vuona. Dušše oktii lea geavvan nu ahte ii beassan ruoktot, dalle fertii idjadit bargosajis.
Gargos/ Nyvollas leat áigá juo heaittihan skuvlla. Ja boahtte jagi áigot Fielvuona skuvlla maid loahpahit.