NRK Meny

Oaččui sáhku go muosehuhtii

Svalbárdda áššealmmái lea sáhkohan ofelačča go muosehuhtii jiekŋaguovžža Svalbárddas miessemánus. Sáhku lea 12.000 kruvnna. Ofelaš lei jođiheamen turistaskohterfáru go fuobmájedje jiekŋaguovžža mii lei birrasiid 900 mehter sis eret. Ofelaš mearridii ahte vudjet lagabui, mii dagahii ahte guovža ballái. Lága mielde ii leat lohpi jiekŋaguovžža muosehuhttit ja baldit, ofelaš lea mieđihan dáhpáhusa.