NRK Meny

Ođasmahttit bieggafápmorusttega

Arctic Wind, maid Finnmark kraft eaiggáduššá, háliida dál ođasmahttit bieggafápmorusttega Ávanuoris, ja lea dál ohcan doaibmalobi geavahit turbiinnaid mat leat stuorát ja mat addet buoret addosa go dan maid otná bieggamillo turbiinnat barget. NVE lea sádden doaibmalobi ohcamuša gulaskuddamii, ja geassemánu 13.beaivvi lágidit álbmotčoahkkima Ávanuoris ášši birra. Otná bieggamillorusttet doaibmagođii jagi 2002is, ja buvttada 40 megawatta, dahje 10 geardde eanet go dan maid Ávanuorri geavaha.