Ođđa stáhtaministtar
Olgoriikkaministtar Ahmet Davutoglu šaddá Turkiija ođđa stáhtaministtarin go Recep Erdogan váldá badjelasas presideanta ámmáha. Nu dieđiha dálá presideanta Abdullah Gül.
Erdogan han vuittii presideantaválggaid borgemánu 10:át beaivvi ja šaddá dalle Turkiija vuosttas álbmotválljejuvvon presideanta.
Abdullah Gül lohká Erdogana nammaduvvot presideantan ihttin duorastaga. Abdulllah Gül doarju Erdogana, gii seammás áigu eanet fámu sirdit stáhtaministaris presidentii.