NRK Meny

Ođđa spesiálaraportevra


Filippiinnalaš Victoria Tauli-Corpuz lea dál almmolaččat nammaduvvon ođđa ON álgoálbmot spesiálaraportevran. Corpuz lea jođihan ON bissovaš álgoálbmotforuma 2005 rájes gitta 2010 rádjai. Son lohká iežas háliidit čalmmustahttit ahte álgoálbmogat sáhttet leat ávkin servvodahkii.

Son doaibmagoahtá ámmáhis geassemánu vuosttaš beaivve.