NRK Meny

Ođđa hoavda Statoilii

Statoilla gaskaboddosaš hoavda Eldar Sætre lea nammaduvvon bissovaš bajimus hoavdan fitnodahkii. Son lea doaibman virggis golggotmánu rájes maŋŋel go ovddit hoavda Helge Lund heittii. Sætre lea 35 jagi bargan Statoilas ja oljo- ja gássaindustriijas, ja lei stivrra oiddot virgái, dadjá Statoil stivrajođiheaddji Svein Rennemo. Ođđa Statoil-hoavda šaddá Norgga buoremusat bálkáhuvvon jođiheaddji ja oažžu lagabui gávcci miljovnna kruvnnu bissovaš bálkán.