NRK Meny
Normal

Ođđa čájáhus Smiervuonas

Son áiggui bálkestit iežas eatni divrras gávtti dollii muhto nu ii geavvan. Fargga lea dát gákti oaidnimis čájáhusas Smiervuonas.

Kirsten Mikkelsen

Kirsten Mikkelsen

Foto: Arne Ivar Johnsen / NRK

Sjøsamisk Tun

Dán ođđa huksejuvvon vistis lea fargga čájáhus

Foto: Arne Ivar Johnsen / NRK

Lávvardaga 18.7 ráhppu ođđa čájáhus Mearrasámi, Sjøsamisk Tun báikkis Smiervuonas Porsáŋggus. Ođđa huksejuvvon vistis besset olbmot earret eará oaidnit ovtta Kárášjoht gávtti mii leamašan geavahusas 1930-logus. Vistis besset vel guossit oaidnit govaid ja eará biergasiid mat ovdal leamašan geavahusas dállodoalus.

Valerius Hildonen-Nilsen

Mearrasámi, Sjøsamisk Tun stivrajođiheaddji Valerius Hildonen-Nilsen

Foto: Arne Ivar Johnsen / NRK

Leat Porsáŋgulaččat geat luiket biergasiid dán čájáhussii. Ulbmilin čájáhusain lea muitalit mo olbmot dáid guovlluin leat eallán, lohká Valerius Hildonen-Nilsen gii lea Mearrasámi, Sjøsamisk Tun báikki stivrajođiheaddji. Valerius lohká ahte olbmot váillahit dieđuid mearrasápmelaččaid birra.