Mearrádus dahkká ahte galget nákcet čoavdit oahppaneavvuid váni sámi skuvllain.
– Buori barggu dahkan
Ovddeš várrepresideantta, Sámediggeáirras Johan Mikkel Sara lohká Gaski justta dán áššis buori barggu bargan, danin ánssáša son ollu rámi.
– Son lea doalahan gáibádusa nuvttá oahpponeavvuid fállat sámemánáide, ja vaikko dál mearreduvvui NSR eatvvuid mielde, de lea Gaski bargan dáinna, rámida Sara.
– Somá rámiduvvot
Sámediggeráđđeláhttu Jørn Are Gaski lea movtta go dál sáhttet fállagoahttit nuvttá sámegiel oahpponeavvuid mat leat ráddjosiin.
– Somá go dákkár rámi fitne, juoga mii ii dávjá dáhppáhuva, lohká ges Jørn Are Gaski.
Ain ođđa buvttadeapmi
Duorastaga eahkeda dohkkehi Sámediggi fállagoahttit nuvttá oahpponeavvuid skuvllaide, muhto NSR gáibidi ahte dát ii galgga hehttet ođđa oahpponeavvuid buvttadeame, juoga mii dohkkehuvvui.