Dan háve lea studioguossin nuorra sámi bártni gii lea oaččuhan sámi homofiilaid ja lesbaid eambbo oidnosii. Son lea vázzán iešguđetgelágan homoparádain vai sámivuohta oidno maid doppe, ja dal son lea Sámi Homofiilaid Fierpmádaga nubbin jođiheaddji. Son lea 17 jahkásaš ja orru Kárášjogas, gos son lea bajásšaddan, su namma lea Lemet Ánde Stueng.
Mánnodaga Skábmamanu 24. beaivvi dii.21:10, NRK3žis..
..oainnat don ízü-TV gos Lemet Ánde lea guossin.
Maid muđui oainnát dán 2. ízü-TV prográmmas??
-Mihkkal ja Issát leaba sádden video ízü’ii
'Muorrameahcis'
Foto: Vanja Ulfsnes / NRK-Eambbo ízü-verddes
Gussalihkku: Heajat
Foto: Govven: Sigve Nedredal / NRK-Ja dieđusge heajat Gussalihkku-ráiddus
(Artihkal joatká maŋŋá gova)
Gii lea son?
Son lea dábálaš nuorra sámi bártni, muhto son lea áigá juo diehtán ahte son lea veháš earálágan. Son lea homofiila. Mánáidgárddis juo lávii juo viegadit nieida biktasiiguin. Son lei 14 jahkásaš go muitalii iežas váhnenguoktái ahte lea homofiila:
–Vearrámus lei muitalit áhččái, go son han lea dievdoolmmoš. Ja mun jahkán áhččeolmmoš háliida ahte su bártni galgá šaddat nu go son ieš. Muhto dat manai bures. Mu bearaš gal leat álo dorjon mu muitala Lemet Ánde.
Sámis leat ieš
Dávjá sámi homofiilat báhtarit stuorit gávpogiidda, eret sámis. Muhto Lemet Ánde lea válljen orrut Kárášjogas, ja leat oassin sámi servvodagas. Dat lea ge su váibmoášši, beassat eallit sámis, ja beassat leat ieš, mii dieđusge mearkkaša maid lea rabas homofiila.
–Lea hui dehálaš ahte olbmot oidnet ja dihtet homofiilaid birra, ja ahte olbmot eai dárbbaš leat čihkosis homofiilat. Mun lean ge searvan Sámi Homofiilaid Fierpmádahkii. Sámit fertejit maid beassat leat homofiilat lohká Stueng.
