Sámiráđđi deaivvada čoahkkima oktavuođas báikkálaš sápmelaččaiguin, Murmánskka guovllu ráđđehusain ja Norgga ja Suoma konsuláhtaiguin.
Čoahkkimis áigot maid válljet ođđa sámi ovddasteaddji Ovttastuvvan Našuvnnaid bissovaš álgoálbmotforumii ja gieđahallat Suoma alimus hálddahusrievtti mearrádusaid sámedikki jienastuslogu ektui.
Sámiráđđi áigu árvalit ahte jurista Anne Nuorgam ovddastivččii sámiid álgoálbmotforumas jagiin 2017-2022. Sámiid leat ovdal ovddastan Ole Henrik Magga ja Lars-Anders Baer.
– Čoahkkin lea ožžon erenoamáš stuorra beroštumi ruošša bealde, ja sihke Murmánskka guovllu ráđđehusas, báikkálaš sápmelaččat ja Norgga ja Suoma konsuláhtat áigot minguin deaivvadit. Samiráđđái lea dehálaš čoahkkanit Ruošša bealde ja doalahit doaimmaid doppe, erenoamážit dál go doppe lea váttis politihkalaš dilli, lohká Sámiráđi presideanta Áile Jávo.
- Loga maid