– Leat hástaleaddji šiehtadallamat leamaš, muhto NBR lea duđavaš dáinna sohpe stáhtain dán šiehtadusas, lohká NBR jođiheaddji Ellinor Marita Jåma NRK Sápmái.
Guokte vahku lea NBR šiehtadallanlávdegoddi čoahkkinasttán stáhta ovddasteddjiiguin dán ođđa boazodoallošiehtadusa hárrái ja dán vahkus leat vuolláičállán šiehtadusa.
Maiddái eanandoallo- ja biebmoministtar Jon Georg Dale lea duhtavaš šiehtadallamin maid sohpe NBR ovddasteddjiiguin.
Jon Georg Dale geassá ovdan dan ahte dálá boazodoallošiehtadus čuovvula daid beliid mat
Unnit go gáibidedje
NBR gáibádus lei badjelaš 157,5 miljovnna kruvnna,
ja sohpe de 123,1 miljovnna kruvnna, mii de lea 4,5 miljovnna kruvnna eambbo go 2017/2018 šiehtadus. Dát ođđa boazodoallošiehtadus doaibmá de suoidnemánu vuosttaš beaivve rájes dán jagi ja geassemánu 30. beaivve rádjai 2019;is. 2017/2018 boazodoallošiehtadusa rámmaeavttut leat 118,6 miljovnna kruvnna.Dat mainna NBR jođiheaddji Ellinor Marita Jåma lea erenoamáš duhtavaš áito sohpon boazodoallošiehtadusas lea dat go stuorát ruhtadoarjja dál manná orohagaide ja dat go álggahandoarjja nuoraide lassána.
– Maiddái dat go náittosguoibmi lasáhus ain bisuhuvvo, dat lea juoidá mainna NBR lea duhtavaš, go geahččá fálaldaga maid stáhta álggus buvttii, lohká Jåma, gii vel lasihastá ahte leat 5,5 miljovnna kruvnna eambbo fidnen go dan maid stáhta álggus fálai.
Nuoraide eambbo
Eanandoallo- ja biebmoministtar Jon Georg Dale geasa maid ovdan dan mii nuoraide manná dan ođđa boazodoallošiehtadusas.
– Lea hui buorre go leat soahpan lasihit doaibmadoarjaga nuoraide, go diet han galgá movttiidahttit nuoraid áŋgiruššat badjedillái álgit, lohká Dale.