Hopp til innhold

Korte nyheter

  • Dál dievasčoahkkimis ráhkkanit ođđa válggaide

    Otne čoahkkana Suoma Sámediggi Anárii, nubbin maŋimus dievasčoahkkimii ovdal geasi válggaid.
    Suoma Alimus hálddahusriekti AHR gomihii gieskat jagi 2023 sámediggeválgga ja mearridii válgga doaimmahit ođđasit.

    Otná čoahkkima áššelisttus áigot earret eará gieđahallat válgabaji 2024–2027 doaibmaprográmma ja ođđasit nammadit Sámedikki válgalávdegotti geasi válggaide.
    Sámedikki stivra lea evttohan, ahte dievasčoahkkin nammada seamma válgalávdegotti, go mannan válggain. Maiddái sámediggelága ja AHR mearrádusa mielde, de doaimmaha seamma válgalávdegoddi ođđa válggaid, jus dat fal lea vejolaš.

    Čoahkkin álgá diibmu 10.00 ja dan sáhttá čuovvut neahta bokte.

    Válljejuvvon Sámediggeáirasat suomabeale. 
Sametinget i Finland. Valgte sametingsrepresentanter 2023.
    Foto: Yle Sápmi
  • Norggas oidnet Ruošša bombagirdiid

    Norgga rádárstašuvnnat vákšot nu guhkás ahte oidnet go Ruošša bombagirdit girdilit Olenja-guovddáža girdihápmanis Guoládatnjárggas.

    Áimmu mielde lea 1750 kilomehtera Ukraina rájás Olenja-girdihápmanii.

    Go girdit loktanit Olenja-girdihápmanis, de ožžot ukrainalaččat dieđu das Čáhcesullos ja Várggáin ja nu sáhttet ráhkkanit dassá go ollejit dohko.

    Muhto dál go Ukraina lea čájehan ahte sii olahit guhkás rohkkáhit vearjjuideasetguin, de ii leat várra go áigemearri ovdalgo olahit maid Olenja-girdihápmana rohkkáhit.

    Ja go Olenja-girdihápman lea nu lahka Norgga rájá, de dat mearkkaša dan ahte duohta soahtti boahtá Davvikalohttii ja maid hui lahka Norgga ja Suoma rájá, čállá Urix

    Russisk bombefly av typen Tu-95MS
    Foto: AP