Áigi ođastit sámi arkitektuvrra

Nu dadjá InKa duodjegávppi eaiggát Inga Porsanger guhte ieš lea hápmen nisson-sámegahpir mállet goavddi uvssa badjel.

InKa gávpi
Foto: Anne Randi Oskal / NRK

Ášši doaimmaha Anne Randi Oskal

Go gulustuvái ahte Inga Porsanger lei huksegoahtimen gávpevistti de álge olbmot jearahallat makkáraš dat visti galgá oaidnit. Ieš gávpeeaiggát ii lean jurddašan hukset makkárge earenoamáš vistti. Muhto olbmuid gažaldagát bokte sunnje hutkás jurdagiid.

Nu son tevdniii vistetevdnegii goavddi mas lea Kárášjoht` nissongahpir hápmi. Son hálidii ahte visttis galggai juoga mii govvidii su dego nissonolmmožiin ja duojárin.

Inga Porsanger

Inga Porsanger InKa duodjegávpi olggobealde

Foto: Anne Randi Oskal / NRK

Manna geasi son álggii barggun ráhkadit hámii mii lea badjelaš golbma mehtera alu ja beal-goalmmat mehtera govddu. Dán čavčča son gárvii goavddi maid lea ráhkadan glassfiber-ávdnasis, vuonccačivggaáiddis ja kloáhkkarevrriiguin ráhkadii ges máhccaid vai hápmi šaddá nugo sámegahppir jo leage.

InKa gávpi rahppui ođđa visttis skábmamánu 29.beaivvi kárášjoga márkanbáikái. Inga Porsanger dadjá sámegahpir-mállet goavddi leat bures váldon vuostá olbmuin geat leat finadan gávppis. InKa duodjegávpi AS ásahuvvui skábmamánu 14.beaivvi 2002.