Polmak båatsoe tjïelte lea Ellinor M Jåma, nammoehtamme goh NBR´n orre åvtehke
Gaskedajven båatsoe tjïelte, jaepie tjåanghkoem åtneme, gusnie akte aamhtese lij giem edtjieh NBR´n åvtehkine dåarjedidh. Gaske dajven båatsoe tjïelten åvtehke Mattias Jåma jeahta.
– Mijjieh daan bijre digkiedamme jih mijjieh laatjkeme edtjebe Ellinor Jåmam nænnoestidh.
Giem edtja Noerhtelaanten båatsoe saemieh dåerjedidh?
Ij leah Noerhtelaante, båatsoesaemiej fylhkesiebrie, daan bijre jaepie tjåanghkosne digkiedamme gænnah!Mannasinie ij? Åvtehke Mads Kapfjell vaestede.
– Daan gaavhtan, mijjieh sijhtebe NBR´n veeljeme komitte, edtja barkedh jih dejtie sjiehtelommes almetjidie ohtsedidh.
Mads Kappfjell tuhtjie vihkeles jih NBR´n åårganisasjovnem jih politihkem nænnoestidh.
– Tjoeveribie aaj båatsoe jieleme barkoem nænnoestehtedh.
Jïjtje veeljedh.
Giem edtjede dijjieh åvtehkinie dåarjedidh?
– Mijjieh baajebe, mijjien delegath jijtje jïermiestidh, giem åvtehkinie veeljedh.
Hijven barkeme.
Åarjel dajven båatsoe saemieh, jaepie tjåanghkosne latjkin, jeahta åvtehke Lars Åge Bransfjell.
–Nov amma! Edtjebe Ellinor Jåmam goh NBR åvtehkine dåarjedidh jih nænnoestidh. Dihte sjiehteles jih væjkeles nyjsenæjja.
Karasjohke johti sami saervi, jeahteme dah aaj edtjieh Jåmam goh åvtehkine dåarjedidh. Ij leah ennje gaajhkh båatsoesaemie siebrieh daan bijre raarastalleme.
Nøørjen båatsoe saemiej rijhkesaervie lea 13-14 .b. 2014 Vadsøsne.