Nanne dorvoohcciid dustehusa
Finnmárkku fylkamánni nanne dustehusa fylkkas dan oktavuođas go dađistaga eanet dorvo-ohccit bohtet Storskog duollobáikki bokte Norgii.
Dát mearkkaša ahte fylkamánni veahkeha Mátta-Várjjat gieldda, ja fylkamánne maid gulahallá jámma njunuš olgoriika-eiseválddiin dáid hástalusaid birra.
Bearjadaga bohte 100 olbmo rastá rájá Ruoššas Norgii. Ná olu ođđa báhtareaddji eai leat ovdal boahtan Mátta-Várjjagii ovtta ja seamma beaivve.