Nancy Porsanger Anti stáhtačállin

Guovddášbellodaga Nancy Porsanger Anti álgá sámeáššiid stáhtačállin Gielddadepartemeanttas, nu duođašta son Ávvirii teakstadieđus.

Dán jagi leat beaggán máŋga nama dán ámmáha oktavuođas, earret eará Bargiidbellodaga Johan Vasara ja Guovddášbellodaga Nancy Porsanger Anti.

Korte nyheter

  • ON bivddii bissehit Fovsen huksema

    Golbma jagi áigu bivddii ON Norgga bissehit bieggafápmu huksemiid Jorpetjahkes Fovsenis, muhto politihkkarat válljejedje joatkit huksemiin. Ášši lea ain ON beavddis.

    – Maid ráđđehus ja huksejeaddjit dál barget bieggafápmorusttegiin várra mearrida maid ON dáhká viidáset, dadjá Norgga árktalaš universitehta professor Mattias Åhren.

  • Digitála dávvirvuorká

    Dál sáhttá vuosttaš háve oaidnit 368 dološ julevsámi dávvira Árran dávvirvuorkkás Ájluovttas, go dál leat digitála hámis, čállá Sameradion & SVT Sápmi.

    Dávvirat leat ovdal leamaš Norsk Folkemuseumis Oslos.

    Árran Julevsáme guovdásj dávvirvuorkká hoavda, Harrieth Aira, muitala ahte boahtte jagi plánejit čájáhusa. Sii áigot maid julevsámegielat sániid digitála govaide lasihit.

    Árran - lulesamisk senter
    Foto: Harrieth Aira / NRK