Musihkabuvttadeaddji fuomášii Ingá Máiiá (18) Facebookas

Dál lea nuorra taleanta čuovvulan artistta bálgá.

Les på norsk: Ingá Máiiá (18) inspirert til å følge artistdrømmen

Inga Májjá Blind
Foto: Ellen Agneta Norvang / NRK

Inga Máiiá Blind ii lean goassige bádden musihka ovdalgo bođii Guovdageidnui lávlut ođasmahtton Sámi Grand Prix (SGP) -lávlagiid.

Veahá ovdalaš lei musihkkabuvttadeaddji Morten Hyld Pettersen oaidnán Ingá Máiiá Facebook-videos. Pettersen liikui maid gulai.

– Morten riŋgii munnje ja jearai háliidan go leat mielde sin prošeavttas, muitala Blind.

Disse artistene og produsentene var med på SGP Cover prosjektet.

Artisttat: Vegard Bjørsmo, Kaia Francesca Cueto Storvik, Inga Májjá Blind, Lavre Johan Eira, Elen Marianne Utsi ja Ellen Oline Eira. Buvttadeaddjit: Ivan Buljo, Anthoni Hætta ja Esben T. Andersen

Foto: Mai-Lis Eira / Sámi Beassášmárkanat

Prošeakta orui su mielas hui miellagiddevaš. Son galggai bargat ovttas nuorra musihkabuvttadeddjiin ja báddet lávlaga moatti beaivvis. Dáinna lágiin ii lean Ingá Máiiá goassige dahkan.

– Ovdal lea leamaš dušše mun ja mu gitára.

Háliida joatkit

Prošeakta, masa Morten Hyld Pettersen lei bovden Ingá Máiiá Blind, lei SGP-Covered. Nuorra artisttat ja buvttadeaddjit galge ođasmahttit ovddeš SGP-lávlagiid ja de doallat konseartta Guovdageainnus 500 olbmo ovddas.

Ingá Máiiá Blind under SGP Cover konserten.

Iŋgá Máiiá Blind ja buvttadeaddji Ivan Buljo lávddi alde.

Foto: Mai-Lis Eira / Sámi Beassášmárkanat

Blind mielas manai konsearta hui bures ja dovddasta ahte lei veahá rámis maŋŋel. Son lea giitevaš go beasai leat mielde ja mieđiha ahte dát movttiidahtii su joatkit.

– Go ollejin ruoktot, de mus šattai fas miella ráhkadit musihka. Ja lea justa dat, maid dál dagan.

SGP Cover lea cuoŋománu Urbi

Ingá Máiiá Blind guovttos Morten Hyld Pettersen leaba oassin “Oasit Áiggis/Fragments of Time – SGP Cover” skearrus, man Urbbi journalisttat lea válljen cuoŋománu Urbin.

Produsent Esben T. Andersen, sammen med artistene Lávre Johan Eira og Vegard Bjørsmo.

Buvttadeaddji Esben T. Andersen oktan Vegard Bjørsmoai ja Lávre Johan Eirain.

Foto: Mai-Lis Eira / Sámi Beassášmárkanat

Skearrus leat nuorra artisttat ja buvttadeaddjit ođasmahttán ovddeš SGP-lávlagiid. Morten Hyld Pettersen muitala ahte prošeavtta olis sis ii lean jurdda dušše ođasmahttit ja gudnejahttit dáid lávlagiid.

Morten Hyld Pettersen

Morten Hyld Pettersen.

Foto: privat

– Mii háliideimmet loktet nuorra artisttaid ja buvttadeddjiid. Mii háliideimmet inspireret sin ja veahkehit sin ráhkadit iežaset fierpmádaga.

Danne leat sii cuoŋománu Urbi:

Duostilvuohta lea juoga mii duođaid dárbbašuvvo go lea áigumin ođasmahttit ovddeš SGP favorihtaid. Dát šuoŋat leat eallán olbmuid váimmuin máŋgalot jagi ja rievdadeapmi ii leat álo buresboahtin.

Urbi journalisttaid mielas leat dát rievdadusat dahkkon nu bures ahte dat baicce ealáskahttet lávlagiid ja geasuhit nuorat guldaleddjiid min boares silbbaide.

Duostilvuohta, kvalitehta ja dan ahte skearru lea mielde loktemin nuorra artisttaid, dahket ahte mii leat válljen “Oasit Áiggis/Fragments of Time – SGP Cover” cuoŋománu Urbin. Jon Henrik Fjällgren, Cazoo, Aili ja Kevin Boine eai ollen gitta bajás dán háve. Dat muitala olu vuoiti birra.

NRK URBI logo
Foto: NRK
Unge artister og produsenter fremfører en medley med moderniserte cover-verjoner av gamle slägere fra Sami Grand Prix historien.

Vegard Bjørsmo, Lávre Johan ja Kaia Francesca Cueto Storvik, oktan buvttadeddjiin Esben T. Andersen ja Anthoni Hætta SGP:as 2019s.