Mearraluossabivdu Goarahagas Porsáŋggus

Goarahagas Porsáŋggus lea mearraluossabivdu hui guovddážis dáid áiggiid. Olbmot, geat eai goassige ovdal leat dákkár bivdinvuogi geahččalan, leat dál bivdigoahtán nuhtiin lohká Hans Oliver Hansen.

Hans Oliver Hansen

Hans Oliver Hansen lea mánnávuođa rájes bivdán luosaid mearas

Foto: Arne Ivar Johnsen / NRK

Mearrasápmelaččat leat álo viežžan borramuša ja birgejumi muđuid mearas. Dán áššis finadat Siivarnjárggas Goarahagas Porsáŋggus mas gullat mo Hans Oliver Hansen guovttos Arnulf Olseniin bidjaba nuohtti merrii. Álggos muitala Arnulf gosa mii leat jođus ja makkár barggut de leat vuordimis.

Arnulf Olsen

Arnulf Olsen lea mielde veahkkin bidjamin nuohtti

Foto: Arne Ivar Johnsen / Nrk