Eai oaččo seammalágan meannudeami go earát

Suoma stáhta mieđiha ahte sii rehkenastet ruhtajuolludemiid earaláhkai Sámediggái, go eará stáhtaorgánaide.

Suoma Sámedikki áirasat - representanter i det finske Sametinget

Suoma Sámedikki áirasat doaibmabadjái 2008 - 2011.

Foto: samediggi.fi

Suoma vuoigatvuođaministeriija ruhtadoallohoavda Harri Mäkinen mieđiha ahte Sámedikki jahkásaš bušeahtta gieđahallojuvvo earaláhkai go dábálaš stáhtaorgánaid bušeahtat.

Sámedikki bušeahtas ii váldo vuhtii haddegoargŋun eaige eará lassegolut. Mäkinen muitala ahte bušeahtta gieđahallojuvvo hávil ja dárbbu mielde eará heivvolaš bušeahttaoktavuođas.